Merseneerɓe Wagner nattii suuɗude gonal maɓɓe Mali e ɗii lebbi fuu. Caggal yontere gila nde konu Mali e gollidiiɓe maɓɓe Wagner heɓti Kidal e juuɗe sape murtuuɓe CSP, ngal guɓal mersener hollii e nder widiyo ana tupa raaya maɓɓe e nokkure ɓurnde mawnude Kidal noddirteende « Zélé de Kidal ». O alhaali welaali hooreeɓe Mali, sabu ɓe pennii oo kabaru. Minati JALLO
Saakitaama ñannde : 23/11/2023 – 14:42
1 mintj
E wideyo yiilotoɗo e dow mejaaje renndo noddirteeɗo Telegran ana holla raaya guɓal Wager tupaaɗo e Kidal wakatiiji seeɗa.Kiikiiɗe talataare ndee woni go’o, oo wideyo ana yaltine e dow salut Waganer e telegran. Jowe (askooje) yimɓe ɗuuɗuɓe e dow internet mbi’ii wonnde oo raya merserner Wagner tupaama e dow ndee nokkuure teddunde Kidal.Ɗee nate ɓamama caggal poolgu konu Mali, e ɓamtugol ɓe wuro Kidal e juuɗe murtuuɓe CSP e jonte ƴaɓɓiiɗe ɗee.kelle mejaaje renndo ɗe njadaali e hooreeɓe laamu hakkundewu nguu kolliti mette mum e on alhaali, e bi’ol maɓɓe ɗun ana bonna ndimaaku leydi ndii.Seedeeɓe ɗuuɗuɓe kañun e hertroiiɓe gonɗini oo kabaru, raya guɓal Wagner haɓanooma e wuro Kidal wakati seeɗan, fadde konu mali tupude deeseel na raya leydi ndii e ndee nokkure manude balèze de Kidal.RFI heɓii nate keña hollitooje konu leydi ndii ana wonndi e haɓude raaya Mali e ndee nokkuure « Zélé de Kidal ».Ɗ alansara keña, ardiiɓe konu noddirteeɓe DIRPA, (salndu toppitiindu kabaruuji konu Mali), hollitii wonnde oo wideyo wanaa goongaajo, kabaru mo yimɓe ɗuuɗuɓe jinnganooɓe laamu ngun saakiti.
