Liberiya, caggal ɓalɗe ɗiɗi nde o fooli e nde goomu halfinaagu fii woote ɗen feñini njaltudi subngooji ɗin, « Joseph Boakay » ƴettii konngol makko aranol. E maggol himo eeroo ɓiɓɓe leydi ndin fow jonindir juuɗe, weldita, ɓe golla leydi maɓɓe ndin. Kono fedde dawro makko na e sunaare caggal nde wondiiɓe makko waraa e altine. Heɗoɗen mo.
Saakitaama ñannde : 23/11/2023 – 12:38
1 mintj
Joseph Nyuma Boakai, hooreejo keso Liberiya on AFP/Seyllou
« Subngooji ɗin yawtii jooni. Hiɗen fotti jonindirɗe juuɗe ngam ñiɓitaade leydi men ndin. Alaa Liberinaajo haakoojo, mbuleejo, mo hirnaange walla mo rewo leydi ndin. Ko liberinaajo gooto woodi jooni. Ko en fow fooli. Men faalaaka hannde kadi nanude walla haalude Liberiya wano leydi anndiraandi hare, yo wi’e jooni ko leydi jam. Mi fodii yaajnude ɓamtaare e nder leydi ndin fow, moƴƴina laawi ɗin ka diiwe men ɗe worgo hirnaange leydi ndin ɗon ɗo teskaa caɗeele tiiɗude tintinii ka dowri e ɗii ɗuuɓi yawtuɗi. Miɗo lamndoo Liberinaaɓe ɓen fow kala leñol ngol ɓe woni kala diina ka ɓe tawaa walla kadi fedde politik yo tawtu en ngam, men golla fii danndiren leydi men ndin. »
