Hannde alarba 15 lewru 11ɓuru hitaande 2023, e yeewtere men On Tottaama Konngol, paaɗen ko Mali. Talaata hanki, hooreejo laamu faddewu nguu, Kolonel Asimi Goyta nantinii wonnde konu Mali fawii junngo e wuro Kidal wonnoongo e juuɗe murtuɓe CSP gila duuɓi sappo e pawdi. Kanko hooreejo leydi ndi o weltoriima ɗum sanne, hay so tawii o qirliima wonnde, ɗum ko taaɓande mawnde kono golle keewɗe ina keddii kadi. Sabu faandaare ndee e b’iol makko, ko heɓtude leydi ndii no ndi diidiri e juuɗe murtuɓe e kuliyankooɓe. Tedduɓe, holno njiiruɗon ndee ƴellitaare nde konu Mali waɗi? Mbele e yi’annde mon nguu poolgu ko nduumotoongu? Holko wonata janngo ndee nokkuure, hakkunde konu nguu e murtuɓe ɓee?
Kolonel Assimi Goyta, hooreejo laamu hakkundewu Mali MALIK KONATE / AFP
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte O.K. fow ka kelle O.K. Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
