Daawal 10ɓal, Abijan Koddiwaar Dañuɓe « bursu Ghislaine Dupont et Claude Verlon » 2023 Joseph KAHONGO, jaayndeyankeejo jeyaaɗo RD Konngo Rejeton Joël AGBLA, karallo jeyaaɗo Benen
Saakitaama ñannde : 02/11/2023 – 19:47
1 mintj
Ko hannde timmi duuɓi sappo gila Ghislaine Dupont e Claude Verlon mbaraa Kidal rewo Mali. Hannde e alkamisa 2 lewru 11ɓuru, RFI okkii bursuuji ɗiɗi innitiraaɗi ɓee jaayndeyankooɓe ɗiɗo. Bursuuji ɗi France peuple sosi e hitaande 2014. Ko Joseph Kahongo, jaayndeyankeejo jeyaaɗo RD. Konngo gollanoowo rajo e tele Mailaka e Rejeton Joël Agbla, karallo jeyaaɗo Benen gollanoowo rajo « Foule » jojjinndinaa e oo bursu hikka. Ɓee ɗiɗo kala heɓii yagugol Paris eltoo e meccal maɓɓe jonte nayi.Inɗe dañuɓe ɓen ɗiɗo feññinaama hannde kiikiiɗe e nder mooɓondiral waɗungal Abijan Koddiwaar.Ko kandidaaɓe 330 immiiɓe e leyɗe Afrik 25 haali-fransiije, jonnunoo piili mum. Jaayndeyankooɓe sappo e harraleeɓe sappo suɓaa.Joseph KAHONGO, no jogii duuɓi 27, mo iwdi RD Konngo, dañuɗo diploom « lisansi » e fannu jaayndeyankaagal ka Iniwersite Lubummbashi. Ko o habroowo, hebloowo jantooje wonuɗo e gollande rajo e tele Mailaka, Lubumbashi RD. Konngo.Rejeton Joël AGBLA ko jogiiɗo duuɓi 23 jeyaaɗo Benen. O janngii hallaagal rajo ka iniwersite « Abomey-Calavi ». E oo ɗoo wakati ko o karallo gollanoowo rajo « Foule » wonuɗo Abomey-Calavi » nder Benen.Yiitu kala kumpital ko faati e oo bursu e ley ngol ɗoo konngol #BourseDupontVerlon
