Hare hakkunde Israayel e Hamas en otooji ronndiiɗi neema ndoomi Rafa to keerol e Gaza. Jewte kadi no njokki faa yottinde neema ,to nde nokkuure heɓa laataade. Caggal Antoni Blinken keeŋa Jo Biden hooreejo USA no doomaa to Israayel alarba jaango,taweeni, konu ndii leydi no heddii hemlaade hare juhɗe hakkunde maɓɓe e Hamas en .Rama JALLO.
Saakitaama ñannde : 17/10/2023 – 15:58
1 mintj
Caggal jeewte hakkunde Antoni Blinken e Benyamiin Netanayahu, hooreejo jaagorɗo Israyel hanki ,e nanɗe mobilaaji/otooji njaharooji neema boɗɗaa Gaja hannde subaka o,ɗi mobilaaji rinnduɗi nguure ,neema e cafaaje no tawaa hakkunde Alaris e Rafa ceerol Ejipt faade Gaja fay so tawii ɓe anndaa nde ɓe keɓata naatude nde saare to sembe piyanɗe gon.Ejipt no tawraa kamiyonji keewɗi wallitaade nguure ko leyɗe janane baaborii loriiɓe e nde saare Gaja,jonon keer no lunndii jaltol hoɓɓe ngo wuro ,iɓe salanii USA jaati muuye yaltinde koreeji muɓɓen so tawii neema naataayi Gaja.Martin Grifis kalfinaaɗo hiine keñoraaɗo ONU no doomaa to Ejipt hannde tawdeede e jewte yalla laawi neema faade Gaja no tabita.Kawritan saldu ONU daraniindu ndeenaagu jokkan jonnde nde fuɗɗi keeŋa dow alhaali o.No ttimmi ujunaaji ɗiɗi e teemeɗe jeɗɗo e capanɗe joyo palestinaaɓe mbaraa E piyanɗe Israyel dow Gaja.Israyel kam du waasii fonnde ujunere e teemeɗe njoyo,ko ɓuri heewde fuu ko siwil en.Ko wonaa ɗum suuɗi safrirɗi no njaɓii barmuɓe e keewam.Ndiyam ,kuran e karburan ko hedditii diwataa ñalaannde wootere,OMS ,fedde cellal aduna no holli kulol so mballa o hewtaayi ko ɓuri yaawde to Gaja
