Ñande 28 lewru 7ɓuru, fedde halfinaande fuku koyngal France lawɗinii toɗɗugol Zinedine Zidane wonde eeltoowo kippu ngenndi leydi ndii. O lomtii ko Didier Deschamps, kadi golle makko puɗɗatoo ko lewru 9ɓuru arooru. Balɗe seeɗa caggal ngoon suɓngo, kabaaru gooto mo gooŋɗaani ina yirloo e dow mejaaji renndo ɗii, ina wiya wonnde Zidane suɓiima Ngolo Kanté wonde kapiteen walla mawɗo kippu oo. Ndee fenaande ina yirloo e ɗee balɗe fof e dow mejaaji renndo ɗii, teeŋti e dow TikTok e Facebook. Ko e ndee toɓɓere kippu soit pirtoowo kumpite pene arti e ndee yontere
Holno ndee fenaande holliraa e dow mejaaji renndo ɗii? Ɓayyinaali baɗaaɗi ɗii fof ciimtata ko haala ngoota. Zinedine Zidane, cuɓaaɗo keso eeltude kippu France, waɗii Ngolo Kanté mawɗo kippu oo, woni kapiteen. Yoga e ɓayyinaali nih ndiwii ɗoon. Ɗi mbiyi Ousmane Dembele hollii wonnde o wontaa fettande kippu France so Ngolo Kante wonaani kapiteen. Haala ngoɗka kadi anndinii wonnde Ngolo Kante, kañum e hoore mum, saliima wonde kapiteen kippu France.
Fenaande © RFI FULFULDE
E dow Tiktok, en njiyii widewo, daande gooto e jaayndiyankooɓe France 24 ina huutoraa heen, yahdude e originaire Ngolo Kanté omo haɓɓi paftol kapiteen ngol e junngo makko e originaire Zidane. Widewo oo ina waɗi binndol biyoowol, “Ngolo Kanté, kapiteen keso kippu France”. Widewooji goɗɗi, ɗi daaɗe moƴƴiniraaɗe IA nanatee e mum en ina kaala kaa haala ngoota. Widewo goɗɗo kadi hollata ko Kylian Mbappe. Oon widewo anndinii wonnde Mbappe noddii Zidane ngam wiyde so o nattii wonde kapiteen, o wontaa fettude e kippu France. Tuugnaade haa jooni e ko nanɗen e oon widewo, Zidane heɓii jaabademo wonnde ƴettii pellital mum suɓaade Ngolo Kanté sabu nuunɗal mum, nehdi mum e hakkillantaagal mum.
Fenaande © RFI FULFULDE
Kono paamen ɗii haalullaaji fof ko fenaande, hay huunde alaa ko woodi heen. Zidane suɓaaki Ngolo Kanté yoo won mawɗo walla kapiteen kippu France. Ko e holɗum tuugni ɗon ngam wiyde oo kabaaru gooŋɗaani ? Alaa ɗo winndaa walla ɗo yiyaa Zidane ina wiyi wonnde o suɓiima Ngolo Kanté hono mawɗo walla kapiteen kippu France. Fedde huufnde fukubal France kadi waɗaani winndande ngam laawɗinde kaa haala, kadi hay saaktirde wootere saaktaani oo kabaaru. Goɗɗum ko holli wonnde ɗum ko fenaande, ko jonte seeɗa hade Zidane suɓeede wonde eeltoowo kippu France, woni e sahaa foolotiro fukubal aduna 2026, ko Mbappe woni kapiteen kippu maɓɓe oo. Ko noon woori haa foolotiro ngoo gasi, haa ɗoo alaa ko waylii heen. Paamen noon kam, N.Kante meeɗiino wonde kapiteen kippu France. ɗum wonnoo ko e lewru 9ɓuru hitaande 2024, e pottital hakkunde France e Belgique. Ɗum ɗimmitii kadi e lewru 3ɓuru ndee ɗoo hitaande, hakkunde France e Colombie. Kono ɗum tawata ko Mbappe fettaani, kadi ko e sahaa nde Didier Deschamps wonnoo eeltoowo kippu oo. Ko noon nih waawata wayde tawde kay Zidane fuɗɗaaki tawo golle. Kadi hay huunde o haalaani tawo, ko fayti e mbaylaandi e nder kippu France oo.
Goonga © RFI FULFULDE
Ko jiyda e ɗum, kabaaru mo keɓɗen hannde ko fayti e kippu France, ko toɗɗugol Fabian Bartez wonde eeltoowo teɓɓotooɓe baluuji woni gardienji. Ɗum ko kabaaru mo fedde huufnde fukubal France lawɗini hannde. Hol wonɓe caggal ndee fenaande? Kontuuji keewɗi caaktuɗi ndee fenaande ina heɓtinaa wonde ɓayyinooji nan-nanti. Kono en mbaawaa wiyde ko kanƴi ngadii yaltinde ndee fenaande. Kabaruuji baaɗi nih, ina ɓeydana kontuuji ɗii ndaarooɓe e rewindotooɓe. Ko ɗum woni faandaare maɓɓe. Ko woodi koo kam woni, Zidane suɓaaki Ngolo Kanté wonde kapiteen kippu France
