BURKINA FASO
To Burkina faso, ko luural teskaa hakkunde gardiiɗo leydi ndi, kapiteen Ibrahim Traoré, kumaandaŋ Oumarou Yabré (gardiiɗo sarwisaaji humpitooji), e kapiteen Farouk Azaria Kaoliang (komandaa bataliyoŋ mobile piston, BIR 4). E tuugnaade e kaɓaruuji keɓaaɗi, ɓee ardiiɓe konu ɗiɗo, gollidiiɓe ɓadiiɓe Ibrahima Traore fawaama jungo caggal nde golle maɓɓe ndartinaa. Halfinaaɓe jokkondiral laamu ngu yeddii ɗii kaɓaruuji, hiɓe jokki e wiide wonde ina woodi jokkondire timmuɗe hakkunde ardiiɓe laamu ngu. Kono tan, huunde wootere ina heddii e faaynude taskotooɓe ɓee : ɗum ko angal feeñgol Oumarou Yabré e Farouk Azaria Kaoliang e yeeso yimɓe ɓee gila lewru joyaɓuru ɓenundu nduu. Abdoulaye Diallo.
Saakitaama ñannde : 23/07/2026 – 10:58
1 mintj Beru minittaaji janngataa ɗun
Ibrahim Traore, hooreejo laamu faddewu Burkina Faso AP – Stanislav Krasilnikov
