E battane ngoo foolotiro Fuku-Koyngal Adunaaru, aidé layinaama sanne e dow mejaje renndo. Kumpite wi’uɗe wonde suudu 𝗦𝗶𝗺𝗼𝗻 𝗔𝗱𝗶𝗻𝗴𝗿𝗮 fijanoowo diɗɗal Koddiwaar sunnaama caggal nde diɗɗal makko hayri yeeso diɗɗal « Allemagne », nate hollayɗe suudu no jaawi yiilike sanne e dow Facebook e TikTik ; ɗum addii haalullaare mawnde, sennditama e keewal e hoore oo kabaaru wonaa goonga. Tijjaani Maalun BARI no arta e ndee toɓɓere.
Ko honno oo kabaaru weyniraa e dow ɗee mejaaje renndo ? Woni ko e dow Facebook walla TikTik, ɗee nate jinndii sanne. No yi’ee e majje Simon Adingra no ɓornii comcu diɗɗal Koddiwaar, goɗɗe e majje himo ka tannde fijirde, nate goɗɗe ko cuuɗi holletee e mum no suura, yimɓe no etoo ñifugol yiite ngen. Mo taskike tawan ko nate jemmaaje.
Alaa wonaa goonga, galle 𝗦𝗶𝗺𝗼𝗻 𝗔𝗱𝗶𝗻𝗴𝗿𝗮 ɗen sunnaaka © Originaire taƴaangal
Ko ɗii mbodooji takkindiraaɗi woni e jinndude e dow internet. Saakuɓe ɓen no winndi e hoore majje wi’i wonnde jinnganooɓe diɗɗal Koddiwaar ɓe weltaaki yanii e hoore galle mawɓe Simon Adingra sunnii cuuɗi maɓɓe. Ɗum ko sabu ko Alman fooli kon Koddiwaar (2-1). Kono wonaa goonga, ko kabaaru fefindaaɗo.
Alaa wonaa goonga, galle 𝗦𝗶𝗺𝗼𝗻 𝗔𝗱𝗶𝗻𝗴𝗿𝗮 ɗen sunnaaka © Originaire taƴaangal
Ko honɗum holli wonnde wonaa goonga? Ivoirecheck jaaynde banndiraare soit firtoore kumpite pene tefii e dow oo kabaaru. Ɓe goonginii wonnde cuuɗi makko sunnaaka. Men heɓii humpituɓe men wonnde ko kabaaru fefindaaɗo. E hoore ɗum mejaare hay wootere, woni ko Koddiwaar walla Afrik, yewtaare fii oo kabaaru. Ko woni sommbo oo kabaaru ko nde o woopi loggude e silma 89ɓo, yeeso Alman. Ko honɗum addi yo oo kabaaru layu e dow Inteɗrnet ? Ko adii kon taho ko sabu fewndaare nden, ko deesewal Fuku-koyngal adunaru, ko sabu neɗɗo yewtaaɗo e mum oo, ko jaalal mawngal e diɗɗal Koddawaar. Ko tawde kadi saakugol hono ɗum no annda jooma mum e ji’anɗe e dow kelle maɓɓe. E tawde kadi jinnganooɓe ɓen no tikkere sabu hayrugol leydi maɓɓe yeeso diɗɗal Alman, huunde wonndude e so’aango ɓernde. Hono ɗii widiyooji buy no heewaa waɗeede e oo wakati.
