Burkina Faso, ko ɓuri yimɓe 80 wonnduɓe e Imaam Mohamed Kindo nana e juuɗe poliseeɓe gila ñande talaata jawtuɗo oo. Ɓe dummba ko e nder gooto e kasooji to Ouagadougou. Ɓeen pawiraa junngo ko sabu waɗde seppo ko faati e gaccitgol Imaam maɓɓe oo. Oon diiniyanke waɗiino ñiŋooje faade e eɓɓoore laamu nguu, ustude wellitaarediine e nder yoga e nokkuuji leydi ndii. Gila alkamiisa hecci-hanki noon, widewooji ɓeen wonnduɓe e Imaam Kindo, ina njiyee e dow mejaaji renndo ɗii. Ina yiyee e ɗiin widewooji eɓe mbaɗa heblooji konu. Ɗum, ko huunde addannde koreeji maɓɓe ɗii faayre gila ɓe nawaade ngam haɓde e kuliyankooɓe. Alhuseynu BAH ina arta en mum
Entrée link
