To Marok, ko teemedere e cappanɗe tato senegaalnaaɓe ɗannortooɓe laawi ɗi rewaa sariya, konu maaje ɗen nangi e asawe yawtunde to Dahlaa e saharaa oksidentaa. E wii maɓɓe laana maɓɓe kaa ko e wuro wi’eteengo « Faas Booy » e diiwal Cees iwri.Ayshatu LI
Saakitaama ñannde : 14/08/2023 – 14:41
1 mintj
Ko e maayo Dahlaa e diiwal Saharaa oksidantal kaa laana yiita e asay hecci hanki. Ka waɗornoo 130to senegaalnaaɓe ɗannortooɓe laai ɗi aldaa e sariya faade ruunde kanari to Espaañ. Ene jeyaa e wonnooɓe e laana kaa debbo gooto. Ko noon konu maaje marok kumpitiri. Ɓe kollii laana kaa iwri ko wuro wi’eteengo Faas Booy e diiwal Cees.Anndinnde e aljumaa ƴaɓɓiinde ndee konu maaje ɗee faabino kadi Tarfayaa e bannge worgo Marok, ko timmi ɗannotooɓe cappanɗe njeeɗiɗo. Ene tawanoo e ɓen debbo gooto e sukaaɓe mun tato. Ko adii ɗum e talaata ƴaɓɓiinde ndee ɗanniyankooɓe cappanɗe njoyo e njeego faabaama to tan-tan e nder Tarfayaa worgo Marok,E ɗee jonteo taskaama wonnde, ɗanle ɗe rewaa sariya e ɗii keeri Marok, koko ɓeydii. E kadi limoooje maayooɓe ɓee e nder ɗee maaje ko yeeso tun woni e yaarude. E lewru ƴaɓɓiindu nduu ko ñakataa sappo e tato ɓiɓɓe senegaal mbaasiino pittaali mum en.
