Afganistan, caggal balɗe tati gila ngol dimmbagol leydi waɗi, faabotooɓe ɓen no jokki ɗaɓitugol si tawii ɓe yiitan fureeji goɗɗi walla wuuruɓe heddiiɓe e ley cuuɗi ɗin. Ko ɓuri yimɓe 2500 maayi, 9000 kadi mbarmii caggal ngol dimmbagol leydi waɗungol asewe to hirnaange Afganistan. Ɗum ko tuugaade e limoore sakkitaande waɗeede nden. Ballot neɗɗiyankooje ɗen fuɗɗike yottaade walla hewtude. Faatumata SII SAAWANE
Saakitaama ñannde : 10/10/2023 – 23:25
1 mintj
Ko ɓe hatonjini e mum fewndo ɗoo ka saare Herat e nokkeli ka leydi ndin dimmbii ɗon no ɗuuɗi. Faabotooɓe e yarlitiiɓe no jokki ɗaɓɓitugol wuurɓe heddiiɓe e ley cuuɗi yirbuɗi ɗin. Ballot neɗɗiyankooje ɗen fuɗɗike hewtude. Kamiyonje ronndiiɗe ñamri, ndiyam e cuddaaje hewtii e koɗooli weddiiɗi ɗin, woɗɗorɗi kilomeeterji 30 saare Herat, nokkuure ka leydi ndin ɓuri dimmbaade. E bi’ol Khalid, jeyaaɗo Kashkak e nder diiwal Zinda Jan, yimɓe ɗuuɗuɓe no iwi e ca’e woɗɗuɗe ari wallugol no hediiɓe ɓen e ley cuuɗu yanuɗi yaltira. Mo kala e baŋŋe mum no ɗaɓɓita kono men annda si tawii woɓɓe no heddii e ley cuuɗi yirbuɗi ɗin. Ardiiɓe leydi ndii e ardiiɓe diiwe no jonni liimooje sertuɗe ko yowitii e emmbere mayɓe ɓen e barmuɓe ɓen. Kono OMS yimɓe ujune 11 jeyaaɓe e ɓeynguureeji 1655 lorrike e nder ndee dimmende leydi. Oo bone keso waɗii Afganistan e saayi mo tawata leydi ndin no e caɗeele neɗɗiyankooje sabu dartagol fusée neɗɗinaynkooje yaasiije gila Taaliba’en arti ka laamu.
