ZIYAARA SERIIF AHMADU TAMAROOWEL RENNDINII
HILIFAAƁE TO BANNGE e PINAL KAM E HILIFAAƁE LAAMU KAM KALA ƁE NOOTITIIMA E KEEWAL E PEEWAAL ÑANDE ALET WONNOO KO FUWAAR.
HIKKA waɗii duuɓi sappoe joy haa yahdi e naange ko ɗii ñalɗii alliyankooje ena njuɓɓinee gila ɗoo wonnoo e nder galle haa yaltii galle wonti boowal haa yahii haa yettiima dingiral Fuwaar nasiyonaal Senegaal; gila Fuuta rewo e worgo ngarii nootitaade Dono Sariif Aamadu Tamaroowel oon woni Sarii Seek Umaar; hannde kala ko ena yiyetenoo e baaba mum ena tawe e mum to bannge ganndal gila e cuuɗingal haa peeñngal won yimɓe mbiy kala ko haalaa e makko o ɓurii ɗoon ko kanko noddunoo juulɓe nootii mo haa feewi sanne ena jeyaa e maɓɓe gila e ɓe o jiidi taaniraaɗo gooto oon Rasuulu mo jam e kisal woni e Mum O.
kono kadi seeremɓe limtinɓe nootitiima e keewal; Won e maɓɓe ngummii gila Fuuta Rewo e. Worgo kono.kadi kala ɗo almuudo baaba makko e almudɓe makko ngarii ngam mawninde ñalawma o daairaaji rewɓe mbaɗii cente cente ngam renndu e makko ɗii ƴalɗi ɓure.
ɗe . Adoraa ko jamma mowluuda e janngude e silkude rewnaa heen ko duwaaw yo Allah addu jam e kisal e aduna o kala haa teeŋti noon e leydi Senegaal ndi. Baaba Baydi Maal darnde makko wonaa tan e njimri tan walla tan pinal alaa o ɓennii ɗoon mo yeddi yo yah Fuuta gila e nokkuuji cafrirɗi haa e janngirɗi haa e taariindi ; waylaare wul ɓuuɓdi (climat) o haaliino heen maa won jooni ko ɓuri duuɓi sappo . Baaa Maal addii heen ballalal mum mawngal; kaɓirɗe keewɗe faayiida laaɓtuɗe sawta kanko fo e heewde haajuuji o yaɓɓii koyɗe makko kank o e diɗɗal makko Daande leñol ngol ena jeyaa e maɓɓe Mansuur Sek moƴƴo peewɗo newiiɗo kam e Abuu Paam jokkowoo enɗam; Taala Fay juŋngo ñaamo Baaba Maal; ɓinngel neene makko ena jogii mesal mum ena ñoota hakkunde Daande Leñol e renndo ngo haa teeŋti noon e renndo Haalpulaar e ko taarii ɗum ; dimo gannduɗo ko Allah waɗi hakkunde Seereer e Haal pulaar walla Pullo; Cehilaagal so juutii Alla ena welaa kono goonga ena tawaa ko goonga tigirirgi woni hakkunde maɓɓe yo Allah juutnu haa juuta ; Ɗownoo seto ngo ko Umar waddo gardiiɗo Daande Leñol ngol darnde makko tinaama heen teskaama heen no feewi sanne.
Kanko Baaba Maal nde o ƴefti konngol nde adorii ko salminde renndo ngo gila e worɓe haa e rewɓe; o yetti kadi Seriif Seek Umar Aydara kono e nder haala makko o teeŋtinii jam ; yo Allah addu jam e aduna o haa teeŋti noon e Senegaal sabu jam maa dañee nde jamaa juulee.
Ñalawma o waɗanoo ko e teddungal sarɗiyanke Alhajji Farba Ngom kono o araani arnoo e innde makko ko Sarɗiyanke ; Aliw Demburu Lella oo ɗoo sarɗiyanke haalii heen mbaɗka faayiida ; golle ɗe kala ardii ɗe ko Ceerno Muntagaa Bah o yooɗnii haa yooɗi sanne : Aadama Sal rokkaama heen konngol sabu darnde makko e ñalɗi ɗi kala ; Saalif Keytaa gardiiɗo Fuwaar o ƴeftii konngol ngam jaarde renndo ngo e yettude Seriif Seek Umar Aydara ;kanko o addii heen ballal mawngal; Uddi golle ɗe ko Seriif Seek Umar ; sakkitnoo duwaay o ko Sariif Ɓiy Muhammadel Habiib ; yimɓe ɓe caakii ko hedde waktuuji sappo jamma. Yo en mbaɗtunii mo wuuri.
Kuɗol: Abdullaay Saar