Hooreejo Niijeer, Mohammed Bazum ƴettii konngol o holli ko woni sabu haɓugol kuliyankaaku no saɗti

A Lire



Saakitaama ñannde :

Dinngiral winndere jeeɗiɗaɓal faatitingal e jam e kisal e nder Afrik fuɗɗike hannde Jamñaaƴo e nder Dakaar. Faandaare maggal ko tabintingol ndenaagu e nder leyɗe Afrik. Hooreeɓe leyɗe ɗuuɗuɗe wano Makki Saal, ardiiɗo Senegal, Siril Ramafoza ardiiɗo Afrik di Sid, Umaru Siisokoo Embaalo mo Gine-Bisawo e Mohammed Bazum hooreejo Niijeer tawdaama e ngal dinngiral. E nder yewtere makko, Mohammed Bazum hollii ko woni sabaabe saɗteende haɓugol kuliyankooɓe e nder leyɗe sahel. Heɗoɗen mo, ko Ibrahiima Timmbi BAH firti konnguɗi makko ɗin.    

Haa hannde hay nokku e nder adunaaru ndun, guruppaaji murtuɓe dañaali kaɓirɗe ɓuri konuneeli  leydi ɗi ɓe woni e haɓude ndin, sifa no ɗum woniri nii fewndo ɗoo e nder Sahel.

Mi heɓii hay lo’ere miijaagol wonnde kuliyankooɓe woɓɓe hino jogii kaɓirɗe ɓuri koneeli leyɗe ɗen. Ɗum ko wano  famporɗe roketje, RPG, pinkaaje fellirɗe mawɗe, ɗen kaɓiriɗe hittuɗe e nder ɗee hare.

Ko hitti kadi e ɗe hare, ko mobilaaji walla ɗii motooji ɗi pineeje ɗiɗi. Ko ɗin motooji saɗtini ɗee hare.

Si hawri hiɗen anndi mbaadi ɗii nokkeeli ɗi kuliyankooɓe woni waɗude fiyanɗe maɓɓe, fii dartagol ɓe, koneeli leyɗe ɗen ko kaɓirɗe famɗuɗe cemmbe jogii. Sabaabe ɗum  ko anngal uuyugol walla yaawugol majje e teddeendi majje. 



Source link

More articles

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Dernierr articles