Hakkille na waasa won’dude e ƳoƳre, kono ƳoƳre alaa ko waawi won’de so wonaa ƳoƳre hay sinno ina ɗesa mettude faamde haa e jaɓde.
Ɗemngal nii won ɗo fotaani haɓaneede, ɗemngal won ɗo fotaani naatnude hoyre mum e haɓanaade hoyre mum e won e mbaydi kaɓogol(kaɓogol arani)
Hakkunde konakiri – baňnjuli – dakaar e nuwasot ekn… ɗemngal pulaar fotaani wuurde ɗoon walla wuurneede nguurndam haɓaneede.
Ngoo renndo buɓɓotoongo na buɓɓitoo e ɓale oo aduna ina buɓɓondira nii hay e hoyre mum haa woɗɓe ina mbuɓɓa ɗum, haa
laamu – daňal e martaba ina wujja hakkille ɓiɗɓe mum, gooto heen fof na sikka so alɗii ngalu wuro tan walla martobini walla ɓadiima laamu hay so laamaaki ɗuum yahdataa e won’de ko wonnoo koo, sikka ɗuum aaɓnotaako e nder ngenndi mum, tawa kala ko gollaa e ɗee ngenndiije ko hakkille e ganndal ɓiɗɓe ngoo renndo, hay sinno kadi ko goonga wonaa kanɓe tan.
Kono noon kadi enen ne hay so mbabba hani tan wiyee yo han pulaar!!! wonaa ɗuum wuurnata pulaar – wonaa noon ɗemngal wuurirta wuurdata
So neɗɗo noddii on batu lohiima on kafto-ɗee aaccidon ɗum e yeeweende mum, ɗuum kay jaraani wojjii walla ɓalwii.
Ko ndii mbaydi ngonka wayletee walla waylotoo e dowu hoyre mum.
Paamen waande ko tuute mooƳu e famɗude mahi ɗum, kono tuute neɗɗo liɓaani waande saka noon e noon. Paamen hay laamiiɗo leydi doole mum keɓnaani ɗum liɓde ɗemngal leydiwal hono no yoga e yimɓe miijorii faamiri nii, saka noon e konngol neɗɗo goɗɗo gooto keeriiɗo yahoowo haaju hoyre mum walla hoyre mum en.
Paamen won ɗo neɗɗo tawetee ina sippiree walla won no o tawirtee omo sippiriree, garɗo fof hooloto geewondirde e makko.
Kadi gila hitaande 2000ɓiiri laamu senegaal ko ko heɓi ňugga gooto fof ɗo tolnorii haalat ko hebaaka – heblanaaka, ɗuum nanngee waɗtee konngol laamu, tawa noon won’de e laamu wonaa ɗuum woni won’de laamu, kono noon gooto fof femmbude tiinde mum tan ina haala e geɗe leydi ɗe ayninaaka surnoyaaka.
Eɗen nganndi kam kirso – kutto(buuse) neletaake e jofnde ɓesɗi.
Idrissa ka