Hannde, e aset 20 lewru 5ɓiru, toɓɓere yeewtere men faati ko e gimɗi bi’eteeɗi « Slam ». Fanu Slam wonii fanu ƴettirɗo kongol sukaaɓe. Holko waɗi sukaaɓe no cuɓii oo fanu e dow fanuuji walliforɗi goɗɗi ngam hollude miijo maɓɓe.E nder ndee yeewtere en njaɓɓoto Elhaj Umaar BALDE, badoowwo « Slam », jeyaaɗo Gine. Ko tergal e nder dental « Dimedi Slam ». Dental ngal o sinciidi e Mammadu JENG. Anndinen, wonnde ko kamɓe heɓi poolgu e foolotiro Slam Afrik waɗnoongo e lewru 2ɓuru hitaande 2022, ɓe ngari kadi ɗiɗaɓo e foolotiro adunyankowo slam waɗnoongo e lewru 9 ɓuru nden hitaande, Briksel. En njaɓɓoto, kadi, Muusa MBAAY, badoowo slam ko o anndiraaɗo Fada Muusa, jeyaaɗo Senegaal. Oo sincii koolol « Slam » e nder wuro makko Lugge. Ngol koolol no wi’ee « Fada Slam Wallu Almuudu ». E nder nde yeewtere ma en keɗto hen Adama SI, senegalnaajo, ɓurɗo lollirde e « Flottant Bulbe » badoowo Slam keɓtinaaɗo hannde e nder winndere ndee. Kanko sosi koolol « Slam et Legende ». En keɗoto kadi, Hammet Aamadu LI, o artan en e taarika gimɗi slam.
Elhaj Umaar BALDE, badoowwo « Slam », jeyaaɗo Gine. tergal « Dimedi Slam » (ñaamo). Fada Muusa, jeyaaɗo Senegaal. Oo sincii koolol « Slam » e nder wuro makko Lugge. Ngol koolol no wi’ee « Fada Slam Wallu Almuudu ». (nano) © RFI FULFULDE
Ko Mbiiɗon?
Neldee miijooji mon e dow tonngoode O.K. WhatsApp: +221772673131Oɗon mbaawi jokkaade men e kelle Facebook e Twitter: RFI FULFULDE.