Afriknaaɓe walla ɓaleeɓe ina poti Ƴeewtaade e taftaade koye mum en. So a Ƴeewii hannde alasan daraame watara e koddiwaar ɗo tolnii e faayidaagal e nder afrik , gila e faggudu haa e renndin’de ɓiɗɓe afriknaaɓe huufa ɗum en.
Watara koddiwaar teddina ɗum hooloo ɗum e yeeso aduna fof , aduna o fof kadi hooloo mo welee mo e yeeso koddiwaarnaaɓe, O jooɗoo e jappeere laamu leydi ndi daawe 2, o ruttoo e bonnude caňu leydi makko, ngam yiɗde laamtaade 3Ɓ
Ɗuum ɗoon onon mawɓe yontaaɓe afrik hannde oɗon poti wojjinan’de ɗum gite caloɗon haa yoora kos. Gacce winnde noon ko tawaaɗo e mum, hannde onon yontaaɓe duunde afrik , ko onon ngoni ammbasat afrik e aduna o.
So watara laamtiima laawol 3 , hoko o waɗanta koddiwaar ko goɗɗo e maɓɓe waawaa waɗan’de koddiwaar, ko liggotoo leydi ko woni ko e nder mum. So o mo jogii goonga so goɗɗo laamiima yo won sara mum o wona ballo mum, o jokka eɓooje makko e nder leydi makko, ɓe acca ko ɓe koɗoyta farayse ko , e ɓe ňaama toon kaalis leydi ndi ɓe laaminoo, hay faɗo joomi mum soodataa e leydi mum.
Kala president dillinoowo leydi mum, oon yiɗaa ndiin leydi, ngati so wulo wulii tan o mo jogii koyɗe o dogat o wuuroyaa leyɗe goɗɗe, o accida leydi ndi e caɗe mum, o accida leydi e cumu jayngol ngol o huɓɓunoo.
Ho ɗo IBK woni, no foti laamɓe ndogi leyɗe mum en ngari moolaade senegaal!!
Ɗuum yo gas e afrik, kadi alaa gasnanoo en ɗum so wonaa enen e koye men.
Njaɓen haaldude goonga haa teeŋti e tolnondirɓe e laamɓe ɓe, ko wayi no seek tijjaan gaajo en , e nder leydi fof e hoyre mum ina jogii fotɓe e laamiiɗo o hoƳƳudu. Leydi alaa e sago jogonoo hoyre mum hoyre mum, tawa won e geɗe hay gooto hoyɗataa ɗum ni saka etaade waɗde ɗum.
Leydi ko maa jeya gardiiɗo mum, gardiiɗo ɗum waasa jeyde ɗum.
Leyɗe ɗe ko maa njogoo annduɓe alɗuɓe ɓe coklaani laamu tawa , coklaani laamaade kono tawa e ɓe naatna juuɗe maɓɓe e politik leydi.
Fedde haɓotoonde 3me mandat e bonannde jawdi ina foti soseede e afrik, fedde ndee rokkee doole e kayitaaji heɓtinee e aduna o fof, fedde nde jogoo mbaawka njonka e jeyde hoyre mum.
Yimɓe annduɓe nuunɗuɓe yonaaɓe ngona terɗe fedde nde.
Naalankooɓe anndaaɓe ngona e fedde nde , ko wayi no baaba maal, alfaa bolonndi, yuusu nduur.
Afrik ko ɓiɗɓe mum ittata ɗum e caɗe mum, haa gooto fof wona jonaaɗo nuunɗuɗo kaaɗoowo e hakke mum e jeyi mum.
Afriknaaɓe ngannda bottaari neɗɗo ko heewi – weli koo fof neɗɗo waawaa ňaamde ko ɓurti reedu mum.
Faggaade ko udditde dame haa ɓiɗɓe leydi fof mbaawa fagganaade koye mum en, fuɗɗoraade e ganndal, kono wonaa renndin’de ngalu, ngu daňaaka e ganndal , remaaka awaaka aynaaka tafaaka.
Huutoraade ɗaminaare ɓiɗɓe leydi tan haa heɓa laamu jooɗoo e ngalu leydi wona e ligganaade hoyre mum.
Ɓesngu afrik hannde sokli ko peŋoowo pewje no nguurndam newori e duunde afrik, huunde fof daňee e afrik , kala ko jannano Ƴetti e afrik tawa ko kedde afriknaajo.
Mbaylaandi afrik natta wayloyeede caggal afrik , ittee ɗoo waylee ɗoo hoyre e laaci 100%.
Idrissa ka binndo biɗto.
