Renndo men ngoo yo janngu aduna o annda no jaɓɓortoo kucce bonɗe keblaaɗe kuccinaaɗe e mum.
Renndo men ngoo yo anndu no tammborii hoyre mum e nder dennde aduna o. Maa daň wiyɓe : Oo kam” Ƴeewtaako ko haalata ko, hono neɗɗel gootel darortoo wiya leňol potngol nii yo janngu aduna o! Ee jam enen kay en njamngii aduna o ko ɓooyi.
Eey en njanngii aduna o ko ɓooyi, kono noon mbele aduna o alaa ko suuɗi en. Ngati suka debbo gooto gundus daroo e ladde nde anndaaka aaynoo e men konngi ɓonɗi, ɗi ngalaa e men tee ɗi ngonataa e men. Enen fof kucciten e aduna o, mbiyen oon neɗɗo gooto ko jawiiɗo en.
Oo ɗoo wonaa laamiiɗo ko foti no leydi , o wonaa kuufɗo geɗal mawngal keɓtinaangal e aduna o. Ɓooyal men e keewal men e tigirigi(kalitee) men , alaa ko ɓulata e ɓerɗe men so wonaa oo ɗoo debbo ko jawiiɗo en.
Hono njogorto-ɗen miijo kala neɗɗo no o waawi fotde omo huccina e men yaweere. Enen kay potɗen hollude aduna o , ko ooɗo debbo ko majjo baasɗo hakkille, baasaaɗo hay so maayaani duŋtiiɗo kuccam aduna o hucci ɗam , ko kanko woni jawniiɗo mo jeyaaka e iwdi cellundi. Ŋabbuɗo e sooroo diwani leydi kay yawaaki leydi soodi ko reppere, diwɗo laana yani e maayo… Enen renndo fulɓe paamen aduna o na waɗa aan’duɓe e pewje mum en fiɓtiiɓe neema nguurndam, ɓe ummanoo ko foti no leňol ngol, ɓe kuccina e mum biye ɗe keƳaani e hunuko aadeejo. Ngam no ɓe tiniraa fof yo ɓe tine tan , ngati cawi leňol ngol keƳdataa e keeci ina waawi cawi ɗii tula ɓe, nde tawnoo neɗɗo hulata ko ko anndi, hulata gacce ko joom gacce. Kadi enen ne haɓre fuɗɗortoo ko les fayra dow, kono haɓre fuɗɗortaako mawɗo konu. Hilifaaɓe men yo noddonir e koye mum en kaalda e koye mum en nduttoo kaalde e laamuuji leyɗe ɗe, huunde ndee defee haa ɓennda , nde kiliifa fuɗɗoo Ƴettude heen konngol guurngol muusngol ngol doondingol yamiroore.
Kono paamen wiyde ko ko jawaa addata ko jaweede, ngati jaabawol na bewda cuusal e pellital baɗ-boniijo.
Kadi ɗum ɗoo naamnii ko wiɗto luggo nde tawnoo ina gasa tawa won towɓe oo ɗoo suka debbo e ɗii ɗoo konngi ɗi keƳaani e hunuko aadeebo saka noon hiccieede e men. Pulaar noon na jogii ňaagorgol : heewde e famɗude fof yo Allah waɗ heen barke(nafe). ɗuum naamnii ko wiɗto won’dungo e humpito seeɓngo seeɓanngo biɗte haa teeŋti e nguurndam ɓiɗɗo debbo o e denndaangal lowe mum jokkondiral, e kala appilikaasiyoŋ mo neɗɗo jogotoo tawa na jokkondira ɗum e yimɓe.
Ngati ɗii ɗoo konngiɗi defiraaɗi mbaarudi ndi dagaaki, won ɗo ɗi keblaa ɗi kaalaa ɗi kaaldaa, haa oo mo malaaka jarani ɗum ummin’de juɗngo rokkaa njaram manndilo mbele haala ko haalotaako, wona ndiyam ndufɗam tawa ɓoftotaako. Kaa ɗo haala ɓulirde makka wonaa e men kono woni ko e nder men(nder leydi men) ko jiɗɗo dillin’de leydi ndi e leňol ngol, mbele bona caru ronta ko fuɗɗinoo renndude hay renndidaani kono haɗaani hawi hanndii. Nati ɗii konngi jiɗɗi finnin’de renndo men haa juuɗe ciňňa ngacca ko njaggunoo. Alaa ko ɗi njoopii so wonaa iwdi hilfaaɓe jeyaaɓe e leňol ngol tawi ko ardiiɓe leydi ndi, leydi ndii noon ko laamu mum e kala pooye mum, Ko ɓeen o huccini ɗii ɗoo konnguɗi. Ngati koli teŋella, kanko suka debbo o, o anndaa ɗum, ko o kaalanaaɗo rewi-rewi mum haa naati jooɗii e jappeere teddungal laamu leydi senegaal. Ngati koli en ko ɓeen ngoni deen en (deen(i)yankooɓe. Paamen kaa ɗoo haala heƳaani e fewjere makko kanko tan gooto, hol faandaare makko e ɗuum, e hol kanko nii e hoyre makko? Paamen o mo waawi won’de sonndel kuɓɓaaɗo tawa ko goɗɗo naftortoo, ina waawi won’de kadi tawa ko ruso eggudu nduu suwaa arde tawo.
Ngati hay njomu tijjaani aan yani walla yan’dinaa nguu so wonno goɗɗo e woɗbe ɓee , ɓuuɓirtaano nii tan. Hoyreejo leydi hannde o joopanooma konngiɗi payɗi nii tawi ko enen fof ndenndinaa heen biyal sabu ƳiiƳam ngootam , ko oo woni fof ko ɗuum oya wonata, kono noon ŋabboowo e leňol na jogii ɓaargal mum wonaa ɗo heɓi fof ŋabbira , eɗen poti faamde ɗuum won e men biyeteeɗo ko enen fof mbiya , so en ndeeƳii en ndooƳtii so wemfeƳƳere woɗnde artii renndina enen kala tawde mburi fof ko rariň.
Ɗii ɗoo konnguɗi ko ko tafaa omo rokkaa , So wulii jaw o ruttoo e yaafnaade, e wiyaneede o teyaano, tawde ko en yaawɓe yejjitde ko ɓenni, waawɓe hoolaade haa ina liira lacciri hiraande e caggal.
Binndo biɗto
