Aan a nanataa ɗemngal am miin mbiɗo nana ɗemngal ma e ɗemngal kala koɗdiiɗo am , kadi mbiyaa kam ko mi rasiste, tawa aan ko a bajjo ɗemngal mo jaɓataa ňoheede, mate aan a anndaa woni rasiste ko mo jaɓaani nan’de hay so ɗemɗe ɗiɗe ngenndiije leydi mum. Kala ko ganndal am e mbaawka am ardini mi e leydi am mbiyaa mi haan’daani heen pawaa e am cukuňaaku ngu jibidinaaka heɓaaka abbitaaki. Pawaa e am oo bonnii oo firtii ko waɗanoo , tawa noon ko miin ɓuri waɗde kala ko waɗanoo, ɗuum fof ko haa yimɓe ngaňira mi no ngaňirɗaa mo a renndaani loocol mburu kacitaari subaka ni.
Ɓe paamaani nana haala ma ngadda keewal mum en mbaɗtaa e seeɗa maaɗa ndawraa dawol ma. Ɗuuum kewiino ɗo e liggorgal mawngal gonngal e bannge rewo leydi ndi , nafoowo nafɗo ardinaa ɓeydi katigori moƳƳini gollordu e golle feewnani gollotooɓe, ɓe mbaɗti summbude e ɓe cajoo, yimkon ; ɗo ko minen njeyi en ndewi ŋuurde haa ŋuurori barke e nafoore kuccam mum en, ɓe pawi e makko pewje , haa o yalti gollorgal, ko ndeen gollorgal addoyi duuba kettitaaba boornitii, ɓe ŋati peɗeeli ɓe picci oon ndeke ko moƳƳo wonnoo.
Ɗuum fof jeyaa ko pewje ko minen tan ngoni loowdu hakkille en…Miin ne maa-mi honngu catallaaji e nofru kala ɗaaniiɗo, mi sinnda kulɗe e daanɗe kala ɗaankiniiɓe…joom gootel kay fotaa nawanorde joom sappo, ne walla yimɓe ne mbayi kono EURO & CFA ni .
Kuɗol binndo biɗto
